ધણપ ગામના ઇતિહાસનો એક ભાગ- અમારો સ્થાનિક તહેવાર

ધણપ ગામના ઇતિહાસનો એક ભાગ- અમારો સ્થાનિક તહેવાર
નવરાત્રી ઘટસ્થાપન એટલે મોરિયા વ્રત નો પ્રારંભ.મોરિયા વ્રત એટ્લે ગામના દેવી બ્રહ્માણી દેવી અને રતન મા ની ઉપાસના.ખાસ પુત્ર ના લગ્ન. પૌત્ર કે દોહિત્ર નો જન્મ કે અન્ય બાધા -માનતા લીધેલ હોય ત્યારે મોરિયા માંડવાનો રિવાજ છે.ગામના દરેક જ્ઞાતિમાં આ વ્રત ઉપરના પ્રસંગે કરવામાં આવે છે

.નવરાત્રીના પ્રથમ દિવસે આ વ્રતનો પ્રારંભ થાય છે .જે આ વ્રત કરે તેના દ્વારા એક તાસ માં એક ઘડો મૂકી તેના પર મોટુ કોડિયુ મૂકવામાં આવે છે.તાસ અને કોડિયા માં સાત ધાન્ય ના જ્વેરા વાવવામાં આવે છે.અને ઘડામાં પાણી ભરવામાં આવે છે.નવ દિવસ સુધી માતાજી ની પૂજા અર્ચના કરવામાં આવે છે.વ્રત કરનાર નવ દિવસ સુધી ફક્ત રાજગરાનો ફળાહાર કરેછે .એક જ પથારી પર સુએ છે .

ચામડાની વસ્તુનો ત્યાગ કરે છે.નવરાત્રીના છેલ્લા દિવસે એટ્લે કે નોમ ના દિવસે માતાજીને નવ નિવૈધ-બાજરીની ખીચડી,લાપસી,ગુવારનુ શાક,અ‍ડદના વડાં,મગના વડાં,મઠિયા, ગળી પુરી,સુખડી,અ‍ડદના પાપડ ચડાવીને પારણાં કરવામાં આવે છે. અને ઉગેલા જ્વેરાને પોતના ઘરે લઇ જઇને તેમાંથી થોડા જ્વેરાનુ તોરણ બાંધી નવા વર્ષ ની સુખ સમૃધ્ધિની કામના કરવામાં આવે છે.બાકીના જ્વેરા નદી કે તળાવમાં પધરાવવામાં આવે છે.તે દિવસે ગામમાં મેળો ભરાય છે.આજુબાજુના ગામના લોકો દર્શનાર્થે આવે છે .એમને જમણ સાથે પ્રસાદ આપવામાં આવે છે.ગામ લોકો આ તહેવાર ખૂબ જધામધૂમથી ઉજ્વે છે.

 નવા નદીસર  શાળા એક પ્રેરણા સ્ત્રોત

                    ઘણા સમયથીય શાળાનો બ્લોગ સુષુપ્ત અવસ્થામાં હતો। થોડી પ્રતિકૂળતા અને થોડી આળસ ના કારણે। નવા નદીસર પ્રાથમિક શાળા ની મુલાકાત પછી હવે જાગ્રત અવસ્તગામાં આવશે। હા , રાકેશભાઈ અને ગોપાલભાઈ ની મુલાકાત પછી કૈક અલગ કરવાની ભાવના પેદા થઇ છે. નવા નદીસર નું બાળકેન્દ્રિ વાતાવરણ દિલને સ્પર્શી ગયુ. હા, સમસ્યાઓ દરેક શાળાની થોડી ઘણી સરખી હોઈ શકે. દરેક શાળાનું વાતાવરણ અને ભૌતિક સુવિધાઓ  અલગ હોઈ શકે. નવા નદીસર શાળા ઘણા સામેથી સોશિયલ મીડિયા ના માધ્યમ થી અમારી સાથે જોડાયેલી હતી.તેની પ્રવૃતિઓ હંમેશા પ્રેરણા  આપતી પણ રુબરુ જોવાનો ને માણવાનો  પ્રસંગ હમણાં                                                                                                    સાંપડયો।

                                                                                                                                                                                   શાળાનું બાળકેન્દ્રિ  વાતાવરણ અને દરેક કાર્યમાં બાળકો ની સહભાગીદારી બધી શાળાથી અલગ લાગી. મોટા ભાગે બાળકોને શિસ્ત ની આડાશ હેઠળ ડાબી તેની શક્તિઓને ખીલવવાના બદલે કરમાવા માટે આપણે ભાગીદાર બનીએ છીએ .અહીં બાળકો પોતાને સોંપાયેલ જવાબદારી હોંશે હોંશે નિભાવે છે। .બાળ રૂપી ફૂલને ખીલવનારું વાતાવરણ આપણે નિર્માણ કરવાનું છેએ શીખવા મળ્યું।.ખુબ જ આનંદ થયો. નવા નદીસર ની મુલાકાત અદભુત રહી। નવા નદીસર હંમેશ માટે મારા માટે પ્રેરણા સ્ત્રોત બની ગયું .